حجات لازم تعملها عنها لضمان صحتك النفسية:
-بلاش تدخل في جدال مهما كان تحديدا لو جدال في الرأي العام.
-حط لنفسك شوية انجازات على المدى القصير مطلوب تحقيقها حتى لو كانت انك تجري مسافة معينة او تخلص كام كتاب او تتعرف على عدد معين من الاشخاص.
-حاول تخلي علاقتك طيبة مع الدائرة الي حولك و لما نقول طيبة مش معناها وطيدة او سطحية.
-ابعد عن الاغاني الحزينة
-لما تقعد لوحدك بدل ما تقعد تفكر في الماضي....اقعد فكر في المستقبل.
-دلع نفسك لوحدك كدة في خروجة لمطعم حلو ولا سفرية لوحدك من وقت للتاني.
-حوش شوية فلوس لو تقدر.
-بلاش اغاني حزينة.
-متقعدش تتفرج على اي حد على السوشيال ميديا و تتخيل ان حياتة مظبوطة و انت حياتك خربانة حاول تركز اكتر في التفاصيل.
-جرب يوم في الاسبوع تاكل فاكهة فقط.
-خد كل واحد على قد عقلة.
-هدفك من كل حاجة بتعملها انك عايز تكون سعيد.
-في كام واحد كدة ناس نضيفة تعرفهم بلاش تخسرهم و بلاش تقعد تسببلهم عقد من كتر ما بتشتكي....حاول كل فترةتضغط على نفسك تكون إيجابي.
-بلاش تشتكي كتير و يا ريت متشتكيش خالص لو ينفع.
-كل شهر او شهرين روح مكان 100% طبيعي زي الصحراء او بحر او اي خضرة اي حاجة طبيعية.
-بلاش اغاني حزينة
-مش كل ما صحبتك تفركش تقعدي تزعلي و توجبي معاها بوصلة عياط. وفري دموعك هي اصلا مش بتحبة.
-للبنات : ابعدي عن افلام Romantic comedy الي خربت دماغكم. (امريكي -كوري-هندي- فليبيني)
-بلاش تنزل بوستات حزينة على فيس بوك بالذات لو فيها احمد حلمي و عليها كلام حزين.
-حاول تتعلم اي حاجة جديدة كل فترة.
.
.
No comments:
Post a Comment