"السفر الى الإمارات"

البوست ده هكتب فيه شوية نصايح عن طرق السفر للإمارات عشان الناس تتفادى المشاكل اللى قابلتنى وقابلت غيرى أو سوء التخطيط او تضييع وقت الزيارة وفيه إجابات لناس كتير بعتتلى واللى عنده اضافة يكتبها وانا هعدل البوست

فيه مفهوم مغلوط عند بعض الناس إن ممكن يتبعتله شغل من هنا..الموضوع ده موجود بس بقى قليل جدا وهيكون لوظايف زى مهندس أو دكتور أو شخص عارف صاحب شركة فبيجيب قريبه غير كدة بعد ال Crisis فى 2008 بقى فيه فائض عمال فى الإمارات كبير فالشركات مبتجيبش حد عشان التكلفة او بتجيب وظائف معينة او بتعمل اوبن داى عشان تجيب الناس..

* الفيزا :
1- فيزا زيارة من داخل مصر وبتكون شهر او تلات شهور..أو فيزا زيارة من داخل الإمارات وبيبعتها شخص موجود هنا وبتكون نفس المدة.

2-مكاتب خدمات فيزا العمل اللى بيعملوا تنسيق على شغل فى الإمارات تيجى عليه على طول..معظمهم بيستغلوا إحتياج الشباب وبيكون هدفهم الفلوس..وفرص العمل بتكون مرتباتها مش مجزية أو فيه نصب وعشان تتأكد هكتب تتأكد إزاى من جروبات موجودة هنا بيسألوا عن الشركة وهل حقيقية او لا وفيهم معروف وبيشغل الناس فعلا بس لازم تتأكد من عقدك والشركة اللى جاى عليها برضه بأنك تبعت للصفحات اللى هكتبها تحت

*البحث عن عمل:
1- أول حاجة بعد ما يبقى معاك فيزا هتفكر فيها هو السكن اللى هتعيش فيه..أسهل حاجة بالنسبالك وأنت بتدور شغل إنك تسكن جنب مترو فى دبى..عشان المترو هيوديك لأى مكان فيه شركات...قبل ما تسافر لو ملكش حد هناك فيه جروبات بتساعد إنك تلاقى شغل أو سكن.

لينك أكبر صفحة جالية فى الإمارات
https://www.facebook.com/EC.dxb

لينك صفحة فرص عمل تابع للجالية ومفيد جدا
https://www.facebook.com/The.Egyptian.lobby

لينك صفحة هى ساخرة بس بينزل عليها إعلانات شغل وسكن
https://www.facebook.com/ASA7BEFIDUBAI

لينك صفحة تابعة للجالية ومفيدة
https://www.facebook.com/ECUAE

2-قبل ما تسافر لازم تبقى عامل أكونت على أكبر مواقع وظايف ومسجل على شركات من اللى بتعمل Open Days كتير.

www.bayt.com/Dubai-Jobs
www.naukrigulf.com/Dubai_Jobs
www.gulftalent.com/home/dubai-jobs-1.html
www.monstergulf.com/
www.linkedin.com

أكبر شركات بيعملوا open days حتى فى مصر طيران الإمارات والإتحاد
www.emiratesgroupcareers.com/
https://www.etihad.com/ar-ae/careers/

3-أول ما توصل بتعمل إعلان بحث عن عمل فى دوبيزل وفى جريدة الخليج عربى وإنجليزى والوسيط..جريدة الخليج بيتعمل بالتليفون

لينك دوبيزل موجود عليه وظايف وبتقدر تعمل إعلان uae.dubizzle.com/ar/

كدة انت عملت بالأسباب وبتتوكل على الله وبتلاقى شغل أو بتبقى حاولت فعلا ورزقك مكتوب فى مكان تانى..ياريت أى حد يعرف شئ زيادة يعمل كومنت عشان نفيد الناس.

البوست الطويل ده انا كتبته لأن فيه شباب مصريين كتير اتنصب عليهم ولما وصلوا هنا لقوا مفيش شغل زى ما المكتب قال وفلوسهم خلصت وبيناموا فى مسجد ربنا يفرج عنهم او بيضيع وقت الزيارة وجاى تايه ولسة بيدور..لازم الناس تدور كويس وتسأل وكل الطرق موجودة فوق..ربنا يوفق الجميع...شير وفيد الناس..